示範單位

六月，惑仁仍未正式畢業的時候，參加親中大報的交流流團到了北京，上了一系列勞什子「國情班」，懷念去年夜遊北京，驚嘆天子腳下自有不凡味道，婉惜同一個地方因為奧運、因為種種原因，早已面目全非。

說回正題，每天緊湊的國情班，說的大都是贊頌一國兩制等的空話，本來惑仁對畢業後還要上課早已大為不滿，正思考逃離傳大的課室後有什麼搞作之際，忽然看見power point投影的，是「一國兩制原想應用在台灣」，講師說，現在香港成功落實一國兩制，對台灣著實起了良好的示範作用。

那時，早已當這些廢話是唧不出人半點笑容兼凍死廿隻北極熊的冷笑話；今日，在有線看到人大否決2012雙普選（或at least是單普選），更覺得是一個欲哭無淚的黑色幽默。

到底，我們可以向台灣示範甚麼？

看，我們有北水，阿爺收放自如，你有無吖？
看，我們普選要阿爺批準，你有無吖？
看，我們的「經濟成就」，即使工廠生產的盡是低技術低品質的產品，但GDP不出幾年便會超英趕美，你有無吖？

台灣嘛，單是一個陳水扁，己有夠煩的了…再加上綠營玩弄法治，搞得民不聊生，你說，香港不是示範單位是甚麼？一人一票選頭鴨子上台，又有甚麼好？

但，台灣再不堪，人民卻總可以抱有希望——仆你個街，下次選第個上去——人民，就是有這個權利。

香港，到底憑甚麼做示範單位？

濕地公園

我完全唔覺得幅圖同「訪客中心」有關係。



咁好環境，悲咩情？



濕地公園竟有荷花…



蒼鷺



又係蒼鷺



招潮蟹（乸）



招潮蟹（公）



彈塗魚



北極狐（冬）



北極狐（夏）

[深宵白日夢系列]哭問

很清晰的。

那夜，不知怎的，被一切一切壓得透不過氣，就只想大哭一場。

抱著你，你卻對我說，只追求快樂，只喜歡快樂的人。

而我，甚麼也沒權過問。



我知道，我再也沒權利哭。

創意政府 vs 由膠你政府

陳寧看過了由新加坡政府的一段短片，看到片中政府官員「rap」出該國好處，大嘆香港政府不如人家創新。



是的，我們的政府就只會心繫膠國加始終有你，再來就是唱好基本法（一套法規也可用歌來「唱好」，想一想，倒也很有創意）。

但細心想想，我們是不是真的想文革曾同聖誕權以電腦key埋一齊「對rap」jingle bell？想一想，香港大概真的不及新加坡政府「有創意」，甚至不如人家「有作為」，但當看到由林忌填詞的《福佳》點擊率勁爆的時候，惑仁真的不敢想像在新加坡整一首rap福佳版的後果。



一個成功的政府要做的，不是創意澎湃地施政，更不是處處以為人民著想之名（”We classify media to give you a choice”），去證實自己的大有為，以至體驗家天下的世襲權力。

我們需要的，其實並不是一個充滿創意、大有作為的政府，而是一個「由膠你」——至少容許餐廳東主以「本店禁煙」作招徠、容許低收入人士以低於市場價格吸引僱主給自己機會、容許社會上任何人士大罵政府福佳而不會被告誹謗——的政府，有時候，我們永遠只能看見旁邊美好的事物，而忘了珍惜及捍衛我們擁有的一切一切。

再談天水圍

馬會在天水圍設立投注中心，為當地人提供大量職位，雖然馬會明言，不會優先考慮聘用天水圍居民，但可以預見的是，會老遠在天水圍上班的，多是當地居民。馬會這一行動，即時令批評該區欠缺就業機會的人「無聲出」，也令政府當局大鬆一口氣。

所謂電話投注助理，顧名思義即是為透過電話投注服務下注人士提供服務的人，工作簡單，不需專業技能，報載學歷要求為中三（惑人記得好像是中五），馬會卻提供$41-$47的時薪。事實上，一般大企業內的這類工作，早已外判往廣州等地，只有馬會仍會以偏離市場的價格在本地聘人。

人心，卻從來不易滿足：先不說工會如何批評馬會提供的用餐時間太少等議題，天水圍居民的反應，才令人拍案叫絕。

30/11的亞視新聞，就訪問了一名有數名子女的女士，她（用鄉音#）指出，丈夫收入不多，「連一萬蚊都無…」期望兼職工作可幫補家計云云。原來，不知那時開始，一萬元月薪已是一個貧足的分界線，一萬元以下就是低收入。換個角度看，看電視、上茶樓等大概也是生活基本需求，「連電視也沒得看」當然就是慘絕人寰，「連飲餐茶也要度過」當然就是赤貧了。聽到這句說話，惑仁登時無名火起，某些報館聘請大學畢業記者的薪金，大概也只得一萬（據說煙仔抹黑報得八千五），閣下的丈夫九成是中港司機三行工人保安的士佬廚房工，難不成要二萬一個月才叫勉強夠用？

「天水圍助人自助聯會」更搞笑，竟批評馬會的學歷要求太高，「對新移民及婦女幫助不大…如果幫不到天水圍居民，用了地等如是剝削天水圍的資源」。看來馬會應多聘清潔工，文盲甚至跛的亦可，見工時更不能只提供廣東話面試官，時薪更…當然不能是時薪，一定要是終身聘用制，月入萬五，加薪幅度與摩根士丹利的行政總裁掛鉤，每半年就馬會投注額派發不少於相等於六個月薪金的花紅…比埋條命你啦好無，天水圍？

人貴自重，尊嚴向來不是伸手可得，不肯認清現實，拒絕把握機會，只懂攤手要求，「悲情」的天水圍，只會愈發引人反感。


#是的，惑仁主觀，兼討厭一心來港以為唔駛做有錢收之人！

欠

天水圍人好日不出中環（據說小朋友十三歲才第二次出中環，像很悲涼），一出，便是追債。

廿四小時免費服務的醫院，事必要在5分鐘腳程之內，因為悲情。
400元一個月任坐西鐵，半小時內可出到市區，屬於偏遠昂貴，因為悲情。
即使是連廣東話也說不好的文盲，也要事必有月入八千、日做八小時的工作提供, 因為悲情。
收七折租金，事必要分配一間位處何文田山谷邨等旺中帶靜地區的公屋，因為悲情。（早年政府以七折租金以及特快上樓吸引公屋申請人極速上樓）

有網友指, 香港還欠天水圍下列多項：
1, 半肥瘦叉燒飯三碗/每日/每人
2, 直通深圳東門免費巴士
3, 往來澳門既飛翔船碼頭及服務
4, 天水圍北每日一次派發現金
5, 圖書館常備大量iMac
6, 新移民有投票權利
7, 每人送汽車一部連司機及一年任用汽油
8﹐嫖妓津貼
9﹐賭博津貼
10﹐免費往返東門穿梭巴士

嗯，香港人是前世欠了天水圍人的，對不起囉。

所謂「香港價值」，其中一樣最重要的，就是不問出處，只管努力，社會從來不會有階級的限制。報紙為銷量創出一個詞語叫「悲情」，政客為了「地區工作」政績爭取這、爭取那，天水圍人，也自自然然覺得被拖欠。所謂「分享經濟成果」，說穿了，公平嗎？人人也有權選擇，但人一定要為自己的選擇負責。

The Longest Day

區選點票的晚上，返通宵更。

一向覺得，區議員是有事要「搞大」時的好幫手（例如寬頻cut唔到），其他的爭取起這個建那個，都受制於制度，作為不大，因此對投票也沒甚興趣，反正就是不想見到土共牙擦擦聲大大，也就糊里糊塗的去投一下票。

夜裏一直工作，辦公室罕有地多人，港聞的同事在為區選奔波，正點新聞也不能輕鬆地「是但」拿幾篇稿入直播室，而總是去到最後一秒，同事才拿來稿件。電視一直在幾個重要的票站做直播，電腦的政府新聞處稿件不斷傳來，感覺像在打仗。

是的，突然覺得自己是一個後方的戰地記者，前線不斷傳來泛民這裡又死了一個師，那邊又全軍覆沒了一個旅的消息。公民黨一邊在山頂報捷，一邊在大埔慘敗。感覺，就是民主黨及其他的泛民，已一步一步地走向了末路。

每個人都說，泛民之敗，在於他們不懂得做地區工作，但觀乎公民黨，不見得全軍盡墨，反過來民協卻是節節敗退。百思不得其解，早上收工時跟母親上茶樓，人太多，只好搭台。同席幾位師奶在高談區選，其中一位是這樣說的：「阿xxx輸了，抵佢！有次叫佢整個抽氣扇，整極唔好，結果要我自己花百多塊整。」

原來，在選民心目中，區議員為街坊服務的範圍，還包括免費水電。民主派中人以至博客一直強調，香港人有很高的質素，香港可以實行普選。但他們也忘了，香港也是一個缺乏思考的地方，會思考的人，從來也被視作麻煩友。不如認真點承認，泛民之敗，在於這些品牌背後的理念，根本代表不了選民意願。除了普選，又或是一些政治議題，如果有人問，白鴿代表的是什麼，民主派以至民主黨中人，又是否答得出來？人家土共就是懂得打出「民生重於政治」的口號，姑勿論有沒有道理，就是得一班抽氣扇壞了的師奶青睞；不肯整抽氣扇，民建聯也要靠邊站。

*竹園選區梁安琪指，網上有不少惡意攻擊，是她落敗的主因……人在做，天在看，在web2.0時代，若要人不知，除非己莫為。

Cat Talking

劉德華成都演唱會怒打保安救歌迷

型啦總之~~

點生活？

網上討論區轉載得來，描述了香港人的一生……

有一個人

搵五-六千蚊一個月

出去租間最平既舊樓都要四-五千蚊一個月

然而包租婆自己供都係二千零蚊一個月

想同佢投訴

佢話呢區間間都係收緊呢個價錢架喎

邊個叫你無錢俾首期呀??有錢就買左佢唔好租丫

一份人工大半就咁俾包租婆賺左

點生活??



呢個人識左個女朋友

倆口子一齊返工

加埋有二萬零蚊一個月

決定同番屋企人住慳d錢

每人俾四千蚊屋企人做家用

淨番萬二

當儲到一萬蚊一個月

一年儲到十二萬

五年先儲夠六十萬可以夠俾首期買層四百零呎的舊樓

點生活??



倆口子決定結婚

每個月儲緊一萬

頭五年用左黎儲錢俾首期

儲多兩年應該都夠裝修

再儲多三年先夠三十六萬用黎結婚擺酒

擺完d三姑六婆仲要話你係新光酒樓擺酒咁cheap

單單打打你地一世

點生活??



倆口子唔想捱成十年先結到婚

決定偷偷地註冊左先

搵銀行按上按買左層樓

仍然要俾十份一樓價做首期

而層樓的十份一係窗台。

650呎單位實用面積係500呎

當中100呎係走廊

廚房只係放到一個煮食爐同洗衣機

個雪柜要放出廳

個廁所要企上個塔度先閂到門

呢層咁既樓每個月要供$8000

加埋$8000俾左屋企

淨番四千零

個老婆話: " 我慳d駛, 呢幾年唔買衫, 唔去旅行, 我地少d出去食飯, 總捱得到既! "

點知買樓果時唔記得計埋管埋費

sorry呀我地公司公價每呎係兩蚊管理費

四千零咁又冇左千五

仲係用黎養門口果個日日對你黑口黑面成日偷懶訓覺既看更

同埋管理處果位從來乜都幫唔到你 日日返工打牙較既小姐

計埋水電冷氣費

點生活??



兩口子捱下捱下終於捱左十年

呢十年計埋淨係加左十零%人工

倆口子已經好滿意

如果加得太多佢地反而驚公司會搵佢地開刀請過d fresh grad黎做

二按果筆已經還晒

每個月總算可以多番三四千蚊用

呢個時候, 個老婆發覺自己大左肚

但層樓仲有15年要供

份工又唔知幾時會冇左

如果生左個仔

點生活??

又過左五年, 倆口子變成老倆口, 差唔多四十歲了

個仔先三歲大

出街有時會俾人問: " 你個孫呀? 好趣緻喎! "

呢個時候, 佢地搵緊唔夠三萬蚊

但一年就要交成二萬幾蚊稅

佢地發現每年有十份一人工係用黎救濟d新移民

同埋養d綜緩阿伯返大陸叫雞包二奶

同個仔去報小學

隔離左右個個都係操不純正廣東話 但能操流利廣東粗口的新移民師奶

睇住佢地d細路係地下度玩吐痰撩鼻屎碌地沙

呢個時候, 倆口子開始唔想個仔入一間咁既學校, 同d咁既細路做同學

雖然自己一路交緊稅去維持九年免費教育

但佢地都放棄左呢個公民權利

於是決定報間私校

每個月又唔見左幾千蚊

點生活??



又過左十年, 老倆口五十歲, 層樓終於供完, 二人升左做middle managers

計埋有五萬蚊一個月

一年交八萬蚊稅

間屋裝修過一次

每個月都要整下d水喉窗台滲水咁

養左隻狗

買左架車

過去廿年

去過八次旅行

當中六次係返大陸

而家佢地個仔十三歲

倆口子開始安排送個仔出國讀書

計計下

每個月食宿連學費就冇左萬五蚊

但為左佢的將來無計，

唔係個仔第日大左

點生活??



五年後, 倆口子五十五歲

依然搵五萬蚊一個月, 無俾人開刀減薪算係好好

佢地個仔18歲

報到一間不太差又不太好的大學

每個月住宿駛費連學費無左二萬幾

個老婆晚晚要掛住個仔, 成日喊, 無心情同老公做愛

每個月二千蚊長途電話費

當中3/4, 係個仔用黎打電話俾佢香港d女朋友

老婆要求每年聖誕去美國探個仔一次

個仔每年暑假返黎一次

機票連外地駛費每年無左五萬蚊

你仲要發覺你個仔d mileage多過你

次次返香港都upgrade上business

你倆老就捱15個鐘economy class去探佢

呢個時候, 老倆口本應仲有十年就退休

倆口子發覺除左強積金之外佢地無任何儲蓄

銀行長期保持30000左右結餘 - - - 係僅僅夠佢地一個月生活的開支

而且佢地公司業務就麻麻

一個唔小心隨時連份工都無埋

點生活??



又過左十年, 老倆口退休了

佢地個仔剛剛master畢業

返左黎香港搵工

倆口子大喜

今日個仔同d中三畢業中五畢業中七畢業大學畢業的

一齊見緊份五-六千蚊的工

見工果時仲要俾人潤一句

你咁好學歷, 我地呢份工驚屈質左你喎

個仔越見越驚

開始後悔出國讀書

同後悔無工作經驗

結果呢份工請左個中三畢業既

呢份工, 係叫做management trainee

連工都搵唔到

點生活??

兩星期後, 老倆口開始考慮要唔要做番野

呢個時候個仔收到電話叫佢開工

原來之前果份工個個都唔做，

中三果個有六年工作經驗, 搵到第份萬二蚊既工

中五果個有四年工作經驗, 搵到第份一萬蚊既工

中七果個有兩年工作經驗, 搵到第份八千蚊既工

大學畢業果個返左去讀master

結果呢個外國返黎的碩士生就做左一份五-六千蚊既工

點生活??



最後

請回到本文頭一行